Kyaw Kyaw

1 month ago

နေ့နဲ့ညကြားမှာ
တစ်စက္ကန့်ပဲခြားတယ်။

တစ်ဒီဂရီနဲ့
သုံးရာ့ခြောက်ဆယ် ဒီဂရီကြားမှာ
တစ်ဒီဂရီပဲခြားတယ်။

ဆောင်းနဲ့ နွေကြားမှာ
လေတစ်ဝှေ့ပဲခြားတယ်။

ရှင်ခြင်းနဲ့ သေခြင်းကြားမှာ
မျက်တောင်တစ်ခတ်ပဲခြားတယ်။

အချစ်နဲ့ အမုန်းကြားမှာ
မျဉ်းတစ်ကြောင်းပဲခြားတယ်။

ဟိုဘက်ကို ကူးဖို့ဆိုတာ
လွယ်လွယ်ကလေးပါ။ ။

▪️ မင်းလူ (နယ်စပ်ဒေသ)

#ဆရာမင်းလူ #ကဗျာ